Tuesday, February 16, 2010

Part 12 of 12: MGA “KOMIKS KINGS” NA WALANG MGA KORONA, SCEPTRO AT TRONO

CONCLUSION

Mga kabataan, huwag ninyong gagayahin itong ginagawa ko dahil ILALAMPASO kayo ng mga matatanda at batang mga BUBUYOG na mga komikeros sa atin, hahahaaaa, maliliit pa ang mga YAGBA ninyo na kailangan palakihin pa muna na kagaya ng kay Kapre bago ninyo sila masagupa, manabako na lang muna kayo.

PANGSUNDOT lang sa mga PIGSA ng mga drawings itong pabirong kritiko ko para MAKABURARAT ang mga mata ng lahat at makita nila ang mga nakatago sa SINGIT ni Maria Kapra, at para rin iyong mga susunod na mga henerasyones ng mga kabataan dibuhista ay magawan nila ng paraan ma-improve ang mga kamalian ng mga dibuho ng mga matatandang dibuhista natin nuon at mga kamalian rin ng mga dibuho ng mga kabataan dibuhista ngayon.

Tandaan rin, mas mabuting sabihin ang MALI kaysa itago ito dahil kung hindi ay patuloy palagi ang kamalian. Pero ANG SINUMAN PUMUNA SA MALI NG IBA AY DAPAT SABIHIN RIN NIYA KUNG BAKIT MALI ITO. Ang problema lang ay ipapasok ng mga PILOSOPONG TONTO ang tanong na ANO BA ANG TAMA AT ANO ANG MALI? O puwede rin sabihin nila na WALANG TAMA AT WALANG MALI na ang implikasyon nito ay puwede rin sabihin na PURO TAMA O PURO MALI. Kung magkagayon, lahat ng mga tao ay puwedeng sabihin na LAHAT ay mga artists na, pati mga hayop na kagaya ng mga unggoy at elepanti ay puwede na rin sabihin na mga artists rin ito.

Ang labas ng walang pamantayan ay kanya-kanya ng banat ng bawa’t isa, HINDI NA KAILANGAN MAG-ARAL na kagaya ng maraming mga matatandang artists nuon at ibang mga kabataan ngayon na walang mga pinag-aralan sa sining pero mga dibuhista kuno sila, nalipasan na tuloy ng panahon ang mga stelo nila. Kaya sinabi tuloy ni Auggie nuon na “sila ay parang mga tsimoy na pumunta lang daw para bumili ng mga suka sa mga tindahan, nakakita ng mga komiks na itinitinda duon, at pagbalik sa mga bahay ay mga debuhista na kuno sila.”

Sa ayaw at gusto ng sinuman ay mapapasama na sa HISTORY NG KOMIKS itong MGA HARI NG KOMIKS ni Kapre, hhhhhhh, dahil ito ang pananaw sa komiks na nasa kanan at kaliwa ng bakod na kung saan sinasabi dito ang mga TAMA at MALI sa pagguhit na walang halong bulahan at kaipokritohan. Hindi na puwedeng itago ito, at ang sinumang susulat ng history ng komiks na binabaliwala ito ay lalabas na buladas, bias at PURO MGA PAPURI lang ang history niya na ang pananaw ay nasa kaliwa lang ng bakod, twisted pa ang labas ng history niya. Ang history ng anumang bagay ay dapat sulatin sa mga pananaw na nasa kanan at kaliwa ng bakod.

Kailangan talaga masundot ang mga “PIGSA” ng mga dibuho ng mga komikeros para umatungal sila, maging dahilan ito na malaman nila ang mga mali sa kanilang mga dibuho at magawan nila ito ng paraan para makalapit sa perpekto ang mga gawa nila kung ang balak nila ay ang global domination sa komiks ng mga pinoy na pangarap ni Auggie. Kailangan rin nilang ayusin ang kanilang mga kuwento na kasama ng mga dibuho nila, pero trabaho na ito ng mga writers at walang pakialam na dito si Kapre.

Minsan masakit malaman ng mga komikeros ang mga katotohanan tungkol sa mga kamalian sa mga dibuho nila na resulta ng kakulangan nila ng edukasyon sa sining at lalong na-reinforced ang mga kamalian nilang ito sa sobrang PURIHAN nila sa isa’t-isa sa mga dibuho nila. Itong kakulangan rin sa edukasyon sa sining ay ang numero unong dahilan kung bakit ang karamihan sa mga matatandang dibuhista sa atin ay umurong sila ng paatras. Maraming mga kabataan ngayon ay wala rin edukasyon sa sining na kagaya ng mga matatandang dibuhistang ito, kasisimula pa lang nila ay parang mga laos na ang mga dibuho nila.

Kaya ang kinakailangan ng lahat ng mga komikeros, matanda o bata man, ay edukasyon at pag-aaral na walang tigil sa mga prinsipiyo sa sining, iwasan rin nila ang pangungupya sa mga gawa ng iba lalo na kung itong kanilang mga kinukopya ay hindi ipinapaliwanag sa kanila. Halimbawa, meron isang dibuhista na kinupya ang maling drawing na kabayo ng isang dibuhista rin at walang nagsabi sa kanya na mali ito. Ano ang resulta? Ang kopya niyang drawing na kabayo ay naging korteng butiki na ito. Kaya ito ang reaction ni Kapre sa kanya, BWHHHHHHHAHAAAAA ……. Nakakainis, ano?

Pahabol. ANG ITINUTURO PALA NA PILOSOPIYA SA KOMIKS NI KAPRE NA COMICS ILLUSTRATION PARA SA VISUAL STORYTELLING AY SINASAKOP ANG CINEMATIC, TECHNICAL , ARTISTIC AT ANG MGA PRINSIPIYO SA KOMIKS NA BINANGGIT NIYA SA KANYANG BLOG. AT ANG PILOSOPIYANG ITO NI KAPRE AY ANG KANYANG MAKABAGONG “PINAKBET” NA PANANAW SA COMICS NGAYON NA ISANG “SIGLO” KUNO ANG ABANTI KAYSA SA MGA ITINUTURO NG MGA PUTI AT PINOY. SAMANTALANG ITONG MGA ITINUTURO NAMAN NG MGA PUTI SA COMICS ILLUSTRATION PARA RIN SA VISUAL STORYTELLING AY MGA ARTISTIC LANG ANG INIIKUTAN AT MAKALUMANG MGA PANANAW ITO SA COMICS NA MGA ATRASADO NA NG ISANG “SIGLO.” BWAHAHAHHHHHhhhhh! Pati mga puti nito ay mangungunsumi na rin kay Kapre.

No comments:

Post a Comment