Tuesday, February 16, 2010

Part 3 of 12: MGA “KOMIKS KINGS” NA WALANG MGA KORONA, SCEPTRO AT TRONO

EMPEROR, ACES, KINGS, QUEEN at JACKS ng KOMIKS

Dahil sobra ang kakitidan ng mga utak ng ILAN sa mga komikeros na madalas pa na ginagamit nila ang kanilang mga PUWET, sa halip na ang kanilang mga ULO, sa pag-iisip at pangangatuwiran kaya ang ginamit ko na lang na MGA PANGALAN ay iyong mga pangalan ng mga hari ng komiks sa ALTERNATE PARALLEL UNIVERSE para hindi naman MAGTATARANG uli itong mga komikeros sa inis sa akin, hihihihihi.

Simulan natin kay SUPER KAPRE. Dahil si Kapre ay super kaya siya ang KOMIKS KINGMAKER ng mga komikeros, hhhhhhh. Kayo na ang maging super na kapre kung may reklamo kayo. Si Kapre rin ang nakakapanghilakbot na panaginip ng mga komikeros habang natutulog na dilat ang kanilang mga mata, at si Kapre pa rin ang numero unong tagasundot ng mga “pigsa” ng mga dibuho nila para magsi-atungal ang mga kumagis na ito. Katakot-takot na kunsumisyon ang mararanasan ng mga komikeros sa kapreng ito dahil rin sa mala-imburnal na amoy ng usok ng TABAKO niya na nasuka at lumayas pati ang girlfriend kuno niya na si Maria Kapra, hhhhhhh …….

ANG PINUPUTOK PALA NG MGA BUTSI NG ILAN SA MGA KOMIKEROS KAY KAPRE AY DAHIL HINDI SIYA SUMASABAY SA AGOS NA GUSTO NILA, AYAW RIN PURIHIN NI KAPRE ANG MGA DRAWINGS NILA NA MAY MGA PROBLEMA, AT DAHIL RIN MADALAS NA PINAGSUSUNDOT NGA NI KAPRE ANG MGA “PIGSA” NG MGA DIBUHO NILA AT ANG MGA “PIGSA” NG MGA DIBUHO NG MGA MATATANDANG ARTISTS NA MGA IDOLO KUNO NILA.

Pssssst! Atin-atin lang ito, ang totoong mga idolo ng karamihan sa mga komikeros ay ang mga kano at hapon.

SA ISANG PARTE, SI KAPRE LANG ANG HINDI NANG-UUTO SA MGA KAPWA NIYA KOMIKEROS PARA BILHIN ANG KANYANG MGA DRAWINGS. EH, WALA NAMAN KASING IBINIBINTANG MGA DRAWINGS ANG KAPRENG ITO, hhhhhhh. AT SA HALIP AY TINUTURUAN PA NIYA NG LIBRE ANG MGA KOMIKEROS, PATI IYONG MGA ASAR SA KANYA, NG KANYANG MGA SEKRETOS SA KOMIKS. ANG MASAKLAP DAHIL ANG NAGSABI LANG SA KANYA NG “THANK YOU” AY MGA PUTI PA ITO. MAS INTERESADO ANG MGA PUTI KAYA MALIWANAG NA ANG PANGARAP NA PINOY GLOBAL DOMINATION SA KOMIKS NI AUGGIE AY PALAGING PANGARAP LANG ITO, hhhhhhh.

Kung gayon, si

SUPER KAPRE AY ANG KOMIKS KINGMAKER NG MGA KOMIKEROS AT HARI RIN SIYA NG MGA KAPRE NA MGA TAGASUNDOT NG MGA PIGSA NG MGA DIBUHO NG MGA KOMIKEROS PARA MAGSI-ATUNGAL SILA AT PARA RIN PUMUTOK ANG MGA BUTSI NILA SA KUNSUMISYON, hhhhhhh ……., SAKA ANG MGA KAPRE RIN ITO ANG NAGBIBIGAY NG NAKAKAPANGHILAKBOT NA MGA PANAGINIP SA MGA KOMIKEROS HABANG NATUTULOG NA DILAT ANG KANILANG MGA MATA.

Itong si JODLOMAN naman ay masasabing ABANTE sa kapanahunan ang kanyang kaisipan dahil alam na nito ang EXAGGERATION at DYNAMIC TENSION samantalang ang mga kasabayan niyang mga dibuhista ay mga IGNORANTE pa o mga TATANGA-TANGA pa dito. Maaring nag-degenerate na ang mga dibuho nito ngayon dahil sa katandaan. Pero ang mga kabataan ngayon ay maraming matutuhan sa RAMIR niya, at kaunting kagyot na lang dito at duon ang idadagdag sa gawa niyang ito para lalong ma-improve pa ang COMPOSITION, DIRECTIONAL CONTINUITYat DEPTH ng kanyang mga dibuho.

Meron COMPRESSION pero kulang lang ang TWISTING, STRETCHING at VARIATION sa mga characters niya, at kailangan makabisa rin niya ng husto ang tamang paggamit ng TRANSITION NEUTRAL SHOTS, SYMBOLIC PANELS & ANGLES at REACTION SHOTS. Sa ngayon ay puwede ng isabak itong gawa niyang RAMIR sa larangan ng global na komiks. Dahil bias ako at meron aces na kasama ang mga hari sa mga baraha kaya gawin kung ACE itong si Jodloman, hehehe. At dahil rin fan ako niya, kaya si

JODLOMAN AY ANG ACE AT HARI NG LAHAT NA MGA HARING DIBUHISTA. Puwede bang ang ACE ay HARI rin? Puwede ayon kay Kapre, at ang sinumang mag-reklamo ay baka mahambalos lang siya ng dos-por-dos ni Kapre.

Si COCHING ay ang hinahangaan ng napakaraming matatandang artists nuon at marami rin sa mga kabataan ngayon. Ang mga kabataan ito ay maraming mapupulot sa stelo ng gawa niya, pero iwasan lang nila ang BANSOT na mga characters nito. Kulang sa TWISTING, COMPRESSION, STRETCHING, EXAGGERATION, DEPTH at VARIATION ang mga characters ni Coching. Pero puwede na ang mga actions sa mga drawings ng characters niya, kailangan lang dagdagan ng EXAGGERATION at DYNAMIC TENSION ang mga ito.

Ang drawing COMPOSITION ni Coching ay simple. Wala akong nakitang kumplikadong composition at wala rin akong nakitang multiple levels ng backgrounds sa mga drawings niya kaya tuloy kumulang ang DEPTH at DISTANCE sa kanyang PERSPECTIVE. Wala rin akong nakitang TWISTED PERSPECTIVE sa kanyang mga dibuho para gumalaw ang mga mata ng viewer sa pagsunod sa mga actions ng kanyang mga characters. At saka wala rin madalas na CENTER OF ATTRACTION ang kanyang COMPOSITION na ang resulta ay hindi ma-unify ang mga elementos sa LAYOUT niya patungo sa isang centro, lalo na iyong kanyang mga panoramic spreads na hindi mga symbolic. Mas magaling si Nino kay Coching pagdating sa composition. Kulang rin pala ang gawa ni Coching sa CONTRAST. May pagka-DECORATIVE ang mga drawings niya, lalo na ang kanyang mga detalya sa backgrounds at shading, na nakakatakip at nakakalansi ang mga ito para hindi mapuna ang mga maling PROPORTION ng kanyang mga characters.

Kung titingnan lang at hindi babasahin ang mga captions at dialogues ay hindi masyado maintendihan ang VISUAL storytelling ni Coching dahil hindi masyadong tama ang gamit ng DIRECTIONAL CONTINUITYat SYMBOLIC PANELS & ANGLES. Ang gulo ng kanyang ACTION DIRECTIONS dahil hindi siya gumagamit ng TRANSITION NEUTRAL SHOTS. Kadalasan ay wala siyang REACTION CLOSE SHOTS o REACTION SHOTS. Kung hindi ako nagkakamali ay itong si Coching ang nagpasimula sa walang buhay na malalamlam na mga expressions ng mga mukha ng mga characters sa komiks nuon, iwasan rin ito. At hindi rin varied o kulang ang FACIAL EPRESSIONS ng mga characters niya.

Kung i-apply ko pala ang lahat na mga binanggit ko na mga prinsipiyo ng drawing sa itaas ay MAWAWARAT ng husto ang mga drawings ng mga matatanda nuon at mga batang dibuhista ngayon dahil sa KAKULANGAN ng mga kaalaman nila dito. Pero masasabi na itong si

COCHING AY ANG HARI NG LAHAT NG MGA MATATANDANG DIBUHISTA NUON SA KOMIKS NA ANG MGA STELO NILA AY PURO MGA GURANG NA RIN.

Ang mga komiks drawings pala ni Coching, pangkalahatan, ay hindi cinematic kung tingnan ang mga ito at hindi rin technical, artistic lang ang mga dibuho niya. Ang mga nabanggit ko na MGA PRINSIPIYO sa blog ko at pati itong CINEMATIC, TECHNICAL at ARTISTIC ay ang mga elementos na ang kabuoan ng mga ito ang ma-define kung ang VISUAL STORYTELLING ng isang artist ay masasabing abanti o atrasado na sa panahon at meron ito na makabago o makalumang pananaw. Batay sa mga pamantayan ito ay masasabing atrasado na ang visual storytelling ni Coching na may makaluma rin pananaw.

Ang mga kritikong komento ko sa mga dibuho ni Coching at sumusunod na mga artists ay APLIKABLE rin ang mga ito sa mga drawings ng iba pang mga matatandang dibuhista nuon at sa mga kabataan ngayon na hindi ko nabanggit. Pag-ukulan ng sinumang dibuhista ng MASUSING PANSIN ang mga komentong ito kung gusto niyang MAIWASAN ANG MGA MALI SA KANYANG MGA DIBUHO, pati ang manunulat sa komiks ay pag-aralan rin niya ang mga kritikong ito dahil aplikable rin ito sa pagsusulat lalo na ang tamang paggamit ng DIRECTIONAL CONTINUITY at REACTION SHOTS na may relasyon ang mga ito sa VISUAL STORYTELLING.

No comments:

Post a Comment